Ætla að byrja á að óska henni Önnu minni til hamingju með útskriftina, skvísan er bara orðin kennari! Fröken Anna

Byrjaði í lyfjafræði í morgun klukkan 08:15 og líst bara ágætlega á. Ekki jafnerfitt og síðast kúrs og líka eitthvað sem kemur að gagni að námi loknu (annað en ýmiss konar fróðleikur um blóðtökuaðferðir árið 1540 og fleira).

Er svo í pásu núna og ákvað að horfa á uppáhaldsþáttinn minn, Grey´s anatomy.
Góður þáttur og spennandi, og varð fullkominn þegar ljúf rödd Emiliönu Torrini hljómaði undir dramatíkinni í lokinn. Fylltist þjóðarstolti og hljóp fram með tölvuna að láta stelpurnar hlusta
Ég er sammála henni Þórhildi minni, diskurinn hennar Emiliönu, Fisherman´s woman, rennur mjög ljúflega niður og ég hlusta oft á hann, en ég er enn að reyna að ákveða hvað mér finnst um Takk, nýja Sigur Rósar-diskinn. Hef svo sem aldrei verið mikill aðdáandi Sigur Rósar, finnst hljómsveitin kúl og sum lögin rata í spilarann öðru hvoru, en ég hef aldrei orðið almennilega heilluð. Það fyndna er að ég hálfskammast mín fyrir það - á maður ekki ósjálfrátt að fíla Sigur Rós, komandi frá Skerinu?

Næstkomandi laugardagskvöld klukkan 22:30 (very strange timing) er handboltaleikur í Arena Skövde. Þar mætast IFK Skövde og Valur í einhverri keppni, og ég ætla að mæta galvösk og styðja mína menn. Kúl að það er mitt eigið lið, sem mætir til Skövde, en ekki KR eða aðrir vitleysingar

Ætla að reyna að róa hana Johönnu niður, hún er að fara í próf í fyrramálið og ég held að hún sé að fara yfirum.
Svo ætla ég að hjóla aftur upp (eða niður...) í skóla og funda með einhverri kellu í sambandi við verknám í útlöndum.
Nóg að gera, en það er ágætt eftir letina síðustu daga.
Og tataramm - bara 28 dagar í settið!!

P.s. Dagný - uppskriftin er á leiðinni!!

Loksins er þetta próf búið... Gekk alveg hreint ágætlega og þakka ég góða strauma, sem ég veit að ég fékk héðan og þaðan úr heiminum

Síðan um hádegi á miðvikudag er ég varla búin að gera neitt af viti! Búin að horfa á fullt af sjónvarpi, lesa helling í skemmtilegu bókunum og spjalla og spila við sambýlingana. Þær eru reyndar báðar orðnar veikar aftur núna, stútfullar af kvefi og viðbjóði, svo ég bíð bara eftir að slappast sjálf :/

Ég er í óða önn að elda Fljúgandi Jakob og gera eplapæ. Í kvöld er nebbnilega idolkvöld hérna og við erum allar frekar spenntar.

Hef barasta ekkert merkilegt að segja, frí fram í miðja næstu viku í skólanum, námslánin koma ekki fyrr en á þriðjudag og ég ætla bara að liggja með lappirnar upp í loft þangað til!
Góða helgi fólkið mitt og allir hinir, fariði vel með ykkur!

Vitiði hvað þið eigið að gera ef þið eruð stressuð fyrir próf og finnst þið kunna lítið?
I know.

Þið hringið í skólafélaga, sem þið vitið að eru verr staddir, og biðjið þá að hitta ykkur á kaffihúsi.
Þetta gerði ég í dag og nú er ég full sjálfstrausts og tilbúin fyrir átökin á morgun.

Þessar gellur, sem ég hitti áðan, ættu hins vegar að vera soldið smeykar!
Ég hef örugglega röflað um það áður á þessu bloggi mínu hvað mér finnst sænsk ungmenni illa undirbúin fyrir háskólanám. Það kom bersýnilega í ljós í dag. Þessar ágætu bekkjarsystur mínar eru alltaf mjög hissa þegar þær falla á prófi. Hins vegar finnst þeim alveg eðlilegt að svara 7% spurningu, sem hljómar á þessa leið:
"Hvað er átt við með hugtakinu osteoporos",
með einu orði. Einu orði. Beinþynning. Svo eru þær hissa á að þær fái ekki tíu.

Ég er allavegana mun rólegri en áðan, kann þetta alveg næstum upp á mína tíu og held að þetta smelli vel á morgun. Ef ekki skal ég éta þetta ofan í mig og viðurkenna að ég er ekkert betri en þær.
Það er bara svo gaman að vera klár. Jafnvel þótt það sé gervigreind innan um 5 ljóskur fæddar 1982-1986.

Ég gæti bloggað um hvað ég var löt að læra í gær en dugleg í dag.
Ég gæti líka bloggað um hvað mér fannst fáránlega gaman að horfa á Júróvisjónið í gær og hlæja mig máttlausa yfir ósköpunum.
Ennfremur gæti ég bloggað um að hér er endalaus rigning og mér alltaf kalt.

Ég er að spá í að sleppa því.
Í staðinn ætla ég að opinbera leyndarmálið og viðurkenna vandann.
Ég er jólalagafíkill. Já, ég heiti Elsa og ég elska jólatónlist.
Elska hana svo mikið að ég er farin að stelast til að hlusta pínupínu. Læt nú Ó helga nótt, Heims um ból og Ave Maria eiga sig nokkrar vikur í viðbót, en er byjruð að blanda einu og einu léttpoppuðu jólalagi inn í playlistann minn. Venjulega kemst ég í afar fallegt skap við að hlusta, en í gær varð ég miður mín. Þetta gerist alltaf þegar ég heyri ákveðið jólalag en ég gleymi alltaf að láta vera að hlusta á það þegar ég er viðkvæm og mellow. Þetta er lagið Christmas shoes með Bob Carlisle. Af hverju er samin svona hrikalega sorgleg jólatónlist? Ég veit að það er ágætt að líta í eigin barm og reyna að muna eftir að vera góður við náungann, að ekki allir hafa það jafngott og svo framvegis en fyrr má nú fyrr vera. Ég er viss um að ég er ekkert eina kellan sem grenja yfir þessu.
Fyrir ykkur, sem ekki kunnið textann, kemur hér lítið brot:

Sir, I want to buy these shoes for my Mama, please
It's Christmas Eve and these shoes are just her size
Could you hurry, sir, Daddy says there's not much time
You see she's been sick for quite a while
And I know these shoes would make her smile
And I want her to look beautiful if Mama meets Jesus tonight

He counted pennies for what seemed like years
Then the cashier said, "Son, there's not enough here"
He searched his pockets frantically
Then he turned and he looked at me
He said Mama made Christmas good at our house
Though most years she just did without
Tell me Sir, what am I going to do,
Somehow I've got to buy her these Christmas shoes

Þetta lag sem og Little christmas tree eru eiginlega off. Ég varð líka leið í hjartanu í gær yfir Kalla og súkkulaðiverksmiðjunni, sem var btw frábær. Kannski er ég bara asnalega viðkvæm.

Gleðifréttir dagsins eru svo þær að fuglaflensan hefur ekki ennþá náð til Sverige. Ég er að verða hálfsmeyk við þetta, en það þýðir víst lítið. Þarf kannski eitthvað að fara að endurskoða matseðilinn fljótlega - hér er kjúklingur í matinn a.m.k. 4 sinnum í viku

Þetta verður samviskublogg, þ.e. til að friða samviskuna.
Elskulega tölvan mín er biluð. Það er verið að kippa þessu í liðinn (bráðabirgðaúrlausn a.m.k.) og þakka ég Sæmundi í Apple-umboðinu heima fyrir góða þjónustu
Hins vegar þarf tölvið að fara í góða heilsubótarinnlögn í desember...

Næsta miðvikudag er próf í sjúkdómafræðinni. Bið ég alla að senda mér góða strauma milli 6:30 og 10:30 að íslenskum tíma. Held nú að þetta eigi allt eftir að smella saman, it usually does, en síðustu dagarnir fyrir próf eru bara svo andskoti leiðinlegir.
Sumt kann ég rosalega vel núna, t.d. taugakerfið og innkirtlasjúkdómana (mínus sykursýki því hún er ERFIÐ), en annað er erfiðara. Skrýtið hvað það er miklu erfiðara að læra eitthvað leiðinlegt (þvagfærasjúkdóma og hjartakvilla t.d.) en það sem manni finnst áhugavert. Þessu verður kippt í liðinn um helgina, enda ekkert annað í myndinni en að fá 10 á þessu prófi

Til að lyfta mér upp úr lærdómspyttinum ætla ég að skreppa til Önnu, Jóhanns og Tóta töffara í kvöld, elda með þeim gúmmulaði og horfa svo á idolið. Hlakka mikið til, því fyrir utan spinning- og body pump-tíma hefur félagslífið ekki verið öflugt undanfarna viku :/

Talandi um líkamsrækt. Ég er fór í Body Pump í gær og tók alveg ágætlega á því. Eftir þann tíma ákváðum við Johanna að skella okkur í Body Stretch, svona til að slappa af og liðka okkur aðeins. Sá tími var hins vegar erfiðari en pumpið! Ég var alveg búin í öllum vöðvum og við áttum erfitt með að hjóla heim

Nú er haustið komið með tilheyrandi veseni hér á bæ. Hitastigið í meyjarskemmunni er yfirleitt um 15 gráður þegar ég fer fram úr á morgnana. Yfir daginn hlýnar nokkuð en ekki hefur hitinn farið yfir 18 gráðurnar undanfarna viku. Hitateppið góða bjargar mér alveg en nú verð ég að fara að nöldra í leigusalanum, þetta er engan veginn þægilegt og mínir aumu liðir eru ekki sáttir...

Eigiði ánægjulega helgi og njótiði lífsins. Ég er sátt og sæl, sérstaklega þar sem ég var að fá þær fréttir að jólamaturinn er veiddur og kominn í hús - ji hvað ég er búin að sakna rjúpunnar, þetta verða góð jól.

Þá er ég komin heim eftir borgarferðina mína.
Svaf mest lítið þessar 2 nætur í Stokkhólmi og tók því góðan "blund" í gær, eftir að ég kom heim. Lagði mig klukkan 15, vaknaði til að horfa á Idolið og borða kvöldmat og fór svo barasta aftur í bælið
Þetta var reyndar alveg nauðsynlegt, því í kvöld þýðir ekkert að vera þreyttur því hér er saumaklúbbur Skövdekvenna.

Stokkhólmur var lovely, as always.
Haustið er að koma og ótrúlega fallegir litirnir í borginni. Ég átti quality tíma með pottormunum mínum, fór á fótboltaleik og öskraði mig hása og endaði heimsóknina hjá Marcusi (hann vann mig í Trivial :/).
Ótrúlegt hvað smá skreppitúr getur gert mikið fyrir mann, alveg nauðsynlegt að kúpla sig út öðru hvoru og breyta til.

Ætla ekki að hafa þetta lengra í dag, en bendi á tvo nýja og bráðskemmtilega tengla. Terry dansskvísa og Lalli frændi bætast í hópinn, njótið vel!

Jæja, komin "heim" á Fredriksonsvägen eftir fótboltaævintýrið mikla á Råsunda.
Mér fannst "við" nú bara standa nokkuð vel í Svíunum, þó aðallega í fyrri hálfleik. Er viss um að leikurinn hefði þróast töluvert öðruvísi ef við hefðum náð að pota inn öðru marki fyrir hlé.
Mér fannst hrikalega gaman, fyrir utan eitt. Fólk sem ekki kann sig á ekki að fara á almenningssamkomur. Nöldra kannski yfir þessu seinna, núna ætla ég að fara að sofa, hrjótandi englunum við hlið mér til samlætis.
Natti natti.

Þá er ég búin að þvo þvott, læra og laga til - get skroppið í borgarferð án þess að fá samviskubit
Legg af stað um hádegi á morgun en veit ekki hvenær ég kem heim. Það verður þó annað hvort á fimmtudag eða föstudag, fer eftir því hvað Stokkhólmur er skemmtilegur
Nú er bara að pakka víkingahjálminum, landsliðspeysunni og fánanum, svo er ég til í slaginn!

"Nokkuð ber á því að nemendur hafi tvö bil á eftir punkti. Sú var tíð þegar notuð var ritvél að það áttu að vera tvö slög á eftir punkti en það er ekki gert þegar unnið er í tölvu. Tölvan sér sjálf um að ákveða bilið á eftir punktinum."
(Tekið af www.khi.is).
Bíddu bíddu. Er þetta sem sagt breytt í dag? I didn´t get that memo. Tel ekki miklar líkur á að ég geti vanið mig af þessu, a.m.k. ekki einn tveir og sautján.

Er að reyna að koma mér í gírinn. Klukkan er 11:22 og ég er ekki komin fram úr. Nema rétt til að pissa og ná mér í vatnsglas. Ætli ég gefi mér ekki 37 mínútur í leti í viðbót, síðan er það bara læra, læra, læra.

Nú er að koma haust í Sverige. Mér finnst haustið notalegt. Ég er meira fyrir svona sænskt haustveður en sumar. Líður betur í 10 gráðum en 20. Svona er ég nú skrýtin. Samt er mér alltaf kalt, svo þetta er ekki mjög rökrétt Það er bara svo yndislega notalegt að kúra með teppi og í ullarsokkum, með 50 kertaljós og te/kakó/pick your poison og kjafta. Eða lesa góða bók. Eða horfa á einhvern af þessum óteljandi sjónvarpsþáttum, sem í boði eru.
Ég var búin að vera alein heima síðan á fimmtudag þegar Pauliina kom heim í gær. Johanna kemur ekki fyrr en á miðvikudag svo það er svolítið tómlegt í kofanum. Við sátum þess vegna á blaðri aaahaeðins og lengi í nótt... Allt í lagi mín vegna, enginn skóli hjá mér fyrr en í næstu viku, en greyið Lina þurfti að mæta átta. Muahahaha.

Jæja, best að hætta þessu blaðri og nota síðustu 30 mínúturnar af frelsi í að lesa nokkur blogg og skrifa eins og einn tölvupóst.

Ha det bra!

Klukkan er bara rétt rúmlega hádegi á sunnudegi og ég er búin að:
* Taka til í allri íbúinni, ryksuga, skúra og þurrka af.
* Setja í 2 þvottavélar og einn þurrkara.
* Lesa 2 kafla í patofysiologiunni.
* Leysa svona 1/3 af krossgátunni góðu.
Ánægð með mig eftir leti gærdagsins...

Gærdagurinn var ekki góður.
Fékk þrjár vondar fréttir og ákvað upp úr tíu að allt væri þá þrennt væri, slökkti á símanum og fór að sofa. Vona að bara að fólkið mitt, sem líður illa núna, nái sér fljótt og að hlutirnir verði betri með tímanum. *knús* til ykkar allra.

Karlinn í íbúðinni er ekkert að lagast. Ég held að hann hafi farið í fýlu þegar við töluðum við hann, ákveðið að láta sem ekkert væri en hefna sín svo laumulega. Hann skildi nefnilega eftir 2 daga uppvask handa mér á föstudaginn þegar hann fór "heim" til sín yfir helgina. Ég varð brjáluð og ákvað að vaska þetta EKKI upp, þetta skildi bíða eftir honum fram á mánudag. Gafst upp í gær og vaskaði upp, fussandi og sveiandi. Það þarf eitthvað að ræða þetta eftir helgina.

Ætla að halda áfram dugnaðinum og smella mér í göngutúr með ipodinn.
Góða vinnuviku fólk.

Ég ELSKA sænskar auglýsingar.
Ég efast um að önnur þjóð (Japanir kannski undantekning) toppi sænskar auglýsingar. Þær eru vægast sagt skelfilegar, en þeim mun skemmtilegri

Ég á tvær uppáhaldsauglýsingar akkurat núna. Önnur er um Findus örbylgjulasagna. Get eiginlega ekki lýst henni, þið verðið bara að koma í heimsókn og sjá sjálf. Hún er priceless hún er svo ömurleg. Þið hljótið að vera sammála mér sem búið hérna

Hin er frá sjampó- og sápukompaníinu Barnängen.
Textinn er eitthvað á þessa leið:
"Loksins! Loksins er komið á markaðinn fyrsta jógúrtið sem þú getur tekið með þér í sturtuna! Barnängen hefur þróað sturtusápu úr jógúrtgerlum (eða einhverju álíka), sem verndar og endurnærir húðina á augabragði!".
Hefur ykkur ekki alltaf langað beint í sturtu með jógúrtfernuna á morgnana? Uppfrískandi og endurnærandi. Yeah right. Í auglýsingunni er svo ljoshærð himnalengja að maka sig út í jógúrtsápunni.

Yfir í aðra sálma. Við söfnuðum loks kjarki i gær og töluðum við kallinn sem leigir eitt herbergið í íbúðinni.
Hann er hérna að meðaltali svona 3 kvöld í viku, oftar en ekki 4 samt. Þegar ég flutti inn sagði leigusalinn við mig: "Micke þrífur ekki". Eins og það væri hans að ákveða að einn leigjandinn væri undanskilinn þrifum heimilisins.
Við létum þetta yfir okkur ganga í fyrra, en aðalástæðan var sú að umgengnin hans var ekki jafnáberandi þá. Hérna eru 2 klósett og í fyrra notuðu stelpurnar tvær og kallfauskurinn klósettið frammi öll 3. Núna notum við dömurnar hins vegar stærra klósettið og hann situr einn að hinu.
Þá sést greinilega hversu hrikalega mikill sóði maðurinn er.
Nú er ég nýbúin að segja við félaga mína hérna að ég sé ekki svona kærasta, sem tuða yfir því að klósettsetan sé uppi eða svoleiðis smáatriðum en það er svoliítill munur á því að það sé manns eiginn kærasti, sem ekki kann sig, eða ókunnug sænsk miðaldra mannfýla.
Það er aldrei sturtað niður og aldrei skolað úr vaskinum svo þetta klósett er alltaf það ógeðslegasta á þriffimmtudögunum.
Nå ja, í gær stöppuðum við niður fótum og sögðum honum að framvegis yrði hann að sjá um að halda þessu salerni hreinu, við nenntum ekki að þrífa undan honum skítinn (ekki það að við sjáum ekki um að þrífa eldhúsið, sturtuna og allt hitt en það er annar handleggur). Kallinn tók þessu nú bara furðuvel og nú verður spennandi að sjá hvernig statusinn á náðhúsinu verður næstu vikuna
Þess má svo til gamans geta að sama mannfýla notar tannkremið mitt, fær "lánaðar" dvd-myndirnar mínar í fleiri vikur og kaupir aldrei uppþvottalög. Skemmtilegir svona "roomies"

Lærdómsmaraþonið mikla gengur vel, er að klara yfirferð númer tvö á taugakerfissjúkdómum og innkirtlakvillum. Gengur alveg ljómandi og heilabúið er óðum að fyllast af nothæfum upplýsingum.

Um helgina er ég alein heima og er enn að velta því fyrir mér hvort ég eigi að njóta einverunnar ein eða bjóða fólki í slotið.
Svo er það bara Stockholm á miðvikudag. Bið ykkur að krossleggja fingur og tær með mér og vona að Olof Mellberg (shit hann er svo myndarlegur), Zlatan, Henke og Ljungberg verði búnir að ná sér, hvað er fótboltaleikur án fótboltahönkanna?

...er ég fegin að ég bý ekki ein.

Pauliina sambýliskona mín var rétt í þessu að losa heimilið við risastórt, röndótt gæludýr með brodd. Ég fékk móðursýkiskast og lokaði mig inni í herbergi á meðan hetjan reddaði málunum.
Ég er asnaleg.

Oh, ég er svo heimilisleg. Er að bíða eftir að kartöflurnar sjóði svo ég geti borðað heimilislega kvöldmatinn minn. Er orðin soldið leið á einbúamatnum, þótt við stöllurnar séum nú nokkuð duglegar að skiptast á að elda eða elda saman...

Ekki mikið að frétta síðan síðast. Síðasta vika er eiginlega ekki talin með því ég varð suddalega veik og hálfpartinn út úr heiminum. Var orðin þokkalega góð um helgina og eyddi laugardeginum hjá Önnu og Jóa, smyglaði mér í matarboð og fékk humarréttinn ómótstæðilega (sem ég ætla að slá í gegn með í næsta matarklúbbi ).

Sænska ædolið byrjaði fyrir alvöru sl. föstudag og ég er bara nokkuð ánægð með byrjunarliðið! Nýju sambýlingarnir eru ekki jafnmótfallnir raunveruleikasjónvarpsefni og grænmetisæturnar svo föstudagarnir eru héðan í frá "myskvöld" á Sturegatan

Það er komið á hreint að ég fer á Ísland-Sverige í Stokkhólmi 12. október. Fékk miða í Íslendingastúkunni og ætla að nota tækifærið og heimsækja Benderfamilíuna. Hlakka mikið til og er ánægð núna að hafa ákveðið að drífa mig, ætlaði að vera skynsöm og læra og spara peningana mína en mig langar mikið á þennan leik og er viss um að ég sé eftir því ef skynsemin fær að ráða

Ætla að fara og borða góða matinn minn og horfa á Floor Filler (sem er by the way UpPáHaLds sjónvarpsefnið mitt - dansraunveruleikasjónvarp!!).

P.s. ég er að verða abbó út í sambýlingana, þær fá endalaus bréf og pakka að heiman. Langar ekki einhvern að senda mér ópal eða póstkort?!